Saturday, June 6, 2009

Paalam at See You Soon!

nais ko sanang maging masaya sa araw na ito. nais kong ngumiti at magbigay ng isang mainit na pagbati para sa kasaysayan na isusulat ngayon. ito ang araw na aalis ka. ang dalawang taon na nakakapagod na pagtatrabaho sa ehipto ay nagtatapos dito...

pinipilit ko mang maging matatag sa iyong paglisan, hindi ko mapigil na mamighati ang puso ko dahil sa loob ng siyam na buwan, naging parte ka ng buhay ko. at sa puntong ito, masyadong malaki ang puwang na iyong iiwan sa aming buhay dito sa ehipto.

mamimiss namin ang iyong boses at minsang kaingayan na nagpapagising sa nakakaantok na shift sa gabi.

mamimiss namin ang iyong tawa na walang halong pagpapanggap sa iyong tunay na kalooban.

mamimiss namin ang iyong pagtulong sa bawat oras na kailangan naming magextract ng dugo at sa bawat pagkakataon na natotoxic kami sa trabaho.

mamimiss namin ang iyong pagiging maliksi at madiskarte sa mga bagay-bagay sa ccu.

mamimiss namin ang iyong mga kuwento.

mamimiss namin ang pang-aalaska sa iyo.

higit sa lahat, mamimiss ka namin.

shi, ingat sa biyahe at hintayin mo ako sa pinas. kailangan ipagpatuloy ang ating plano na makatapak at mamayagpag sa land down under.

No comments: